網紅的藏寶箱【情侶先會玩的低能遊戲】
老老實實，同女朋友成日行街、睇戲、食飯…
有時都真係幾悶，所以豆姐自創咗款平時我哋會玩嘅遊戲，想分享畀大家…
呢個遊戲叫做『扮唔識』！
唔知點解，呢個遊戲豆姐玩極都唔厭，喺多人到呼吸困難既地鐵，當我同佢幾乎臉貼臉既時候，豆姐會突然同我講…
「不如我哋扮唔識吖～」
「邊有兩個陌生人企到臉貼臉㗎…」我。
「試下啦～」
「ＯＫ…」
我努力扮演一個陌生人企喺度，企咗一陣，豆姐又唔滿意：
「你扮唔識之餘，仲要無意中想識我！」
「好好好，我盡力…」
於是，我趁多人時就挨個身埋去。
「喂先生，我唔識你㗎～你個變態佬！」豆姐口裡說不，身體卻很誠實地笑。
「太逼人…我都唔想啊小姐。」
「喂先生，你做乜跟住我落車？」
「我都係呢個站落車啫～」
遊戲通常都係大笑中結束，扮唔識最高紀錄都唔超過一分鐘。
其實好多遊戲都係佢玩我多過一齊玩，
不過見女朋友笑到彎晒腰，自己都覺得開心。
雖然呢個遊戲，喺旁人眼中好白痴，但情侶間總係會發明啲白痴嘅遊戲，無無聊聊玩餐飽，開開心心又過一日。
最近，港鐵更新咗個app，新增「快捷出站」話你知點樣轉車，話你知上邊卡車廂，令你快啲搵到自己想要嘅出口。
除咗可以好似影片咁玩「扮偶遇」之外。 九月呢段期間，仲有「搵基哥．贏獎品」遊戲，係金鐘站搜尋基哥圖像，即有機會贏取豐富獎品。
豆姐今次有排玩了！！！
Search